SYRELLE KEYZA ALTAIR POV
Ramdam ko pa rin ang lamig ng boses ni Mr. Lee na tila dumadaloy sa buong hallway. Para bang bawat salita niya ay may kasamang bigat na hindi ko mawari kung galit ba o babala. Naiwan akong tulala, hawak-hawak ang folder na para bang iyon na lang ang makakapitan ko para hindi ako tuluyang manginig.
“Ms. Altair, kung may problema ka, diretso mo sa akin sabihin. Huwag sa iba.”
Paulit-ulit na umuugong iyon sa isip ko. Napalunok ako at halos hindi ko maigalaw ang labi ko. Sa huli, mahina akong tumango, halos bulong ang boses ko, “O-opo, Sir.”
Sa gilid ko, nakita ko si Niko na bahagyang napapakamot sa batok, halatang hindi alam kung paano tatapusin ang sitwasyon. Kita ko rin sa mga mata niya ang inis at kaba parang gusto niyang sumagot, pero pinipigilan niya ang sar
