NANG sumunod na araw, dumating sa bahay nina Lian si MJ kasama ang mama nito pati na ang lolo’t lola ng binata. Mamahanhikan daw ang mga ito.
Gulat na gulat sina Lian at ang dalawang kuya niya. Gayunman, nagpapasalamat ang dalaga sa pagdating nila dahil hindi na siya nahirapang kumbinsihin ang mga kapatid niya na pumayag sa kasal na inaalok ng pamilya ni MJ.
Nalaman nila na kaibigan pala ng kanilang papa ang namatay na ama ni MJ kaya natuwa ang lolo ng binata na siya ang mapapangasawa ng apo nito.
Inako na ng mama ni MJ ang lahat ng preparasyon sa kanilang kasal. Ang tanging gagawin na lang ni Lian ay magdisenyo at magtahi ng wedding gown niya.
Makalipas lang ang dalawang linggo ay ginanap ang beach wedding nina Lian at MJ sa isang resort sa Batangas. Pribado ang okasyon kaya piling k
