NANG MAKARATING sina Lian at MJ sa opisina ng huli, agad silang sinalubong ng sekretarya nito.
“Sir, good afternoon po! May bisita po na naghihintay sa loob ng opisina ninyo,” anunsiyo nito.
Napatingin si MJ kay Lian saka nito muling ibinalik ang atensyon sa kausap.
“Sino iyong bisita?”
“Ang mama po ninyo,” mabilis na sagot nito.
Napa-buntunghininga si MJ.
“Huh? Nandito ang mama mo?” nagtatakang tanong ni Lian.
Hindi na nasagot ni MJ ang tanong niya dahil biglang bumukas ang pinto ng opisina ng binata.
“Hay! Salamat naman at dumating ka na, anak!” malapad ang ngiting sabi ng ginang na lumabas mula sa opisina.
“O, sino iyang magandang kasama mo, anak?” puna nito nang mapatingin kay Lian.
Napasulyap sa kanya si MJ bago nito hinarap ang ina.
“Sa opisina na po tayo mag-uusap, ‘Ma,”
