ATARAH
NASA LOOB AKO NG ISANG UNIT KUNG saan din ako inayusan kanina ni Lola. Kasama ko ngayon si Alora na mukhang badtrip na at ang lola ko na bakas sa mukha ang pag-aalala habang panay ang masahe sa aking kanang palad. Matapos kasi nang nangyaring kaguluhan kanina ay dali-dali kaming pinapunta ni Damon dito dahil kailangan daw nilang sundan ang babaeng gumawa ng gulo para ipakulong.
Napabuntong-hininga naman ako at napaisip dahil bukod sa isang malaking kahihiyan ito sa akin at kay Damon ay hindi pa rin mawala sa isip ko ang litratong hawak ni Damon kanina. Kahit anong gawin kong pagkalikot sa isip ko ay hindi ko maalala na nag-usap kami ni Tiyo sa isang coffee shop na mukhang mamahalin. Hindi kasi ako mahilig sa ganoon at hindi ko rin afford dahil lahat ng kinikita ko sa pagsasayaw no
