ATARAH
TULALA LANG AKONG NAKAUPO SA KAMA dahil hindi mawala sa isip ko ang balitang sinabi ng doktor sa akin nang isang araw. Masyadong magulo ang buhay ko ngayon para magsilang ng isang bata na walang kasiguraduhan kung matatanggap ba siya ng ama niya. Nasa panganib din ang buhay ko at tiyak na madadamay lamang ang batang nasa sinapupunan ko.
Alam kong sinabi ko noon kay Miss Amanda na ako ang magdadala sa mundong 'to ng tagapagmana ni Damon dahil gusto ko lang naman gumanti sa pangmamaliit niya pero hindi ko naman akalain na magkakatotoo. Alam ko rin kasi na wala pa sa plano ni Damon ang magkaanak at kung sa akin niya ba gustong magkaanak.
“Ate, anong oras pala dadating sila Kuya Damon?” tanong ni Alora.
“Baka mamayang gabi pa, Alora. CEO ng isang kumpanya si Damon at abala rin siy
