ATARAH
PANGATLONG-ARAW NA NGAYONG SIMULA NANG pumunta si Sir Damon sa Davao at aminin ko man o hindi ay nami-miss ko ang pagsusungit niya sa akin. Sa tuwing tatawag naman siya ay puro trabaho ko ang kinakamusta, hindi man lang ako mismo. Mas gusto ko kayang nandito siya at nagsusungit, kesa ganito?
“Atarah!”
Napaigtad ako nang bumukas ang pinto ng opisina ni Sir Damon at iniluwa si Katie at Vien na taga finance department. Napatayo naman ako at salubong ang kilay na naglakad palapit sa kanila. Malakas ang loob ng mga 'to na basta na lang pumasok magbukas ng opisina ni Sir dahil ako lang ang nandito.
“Bakit, Katie? Vien?” takha kong tanong.
“Mag-out ka na! Five na oh, sumama ka sa amin,” saad ni Vien.
Napatingin naman ako sa orasan at nakitang alas-singko na nga ng hapon. Hindi ko
