NAGTAGIS ang mga bagang ni Geri matapos mabasa ang kantang ni-request ni Lucas na nakasulat sa tissue. Tulad dati ay may naka-ipit na naman doong limang libong piso.
"Tss! Ang kapal talaga ng mukha." nanggigigil na bulong niya sa sarili.
Inabot niya kay Miguel ang tissue. Dumilim ang mukha nito sa nabasa. Tulad niya ay nanggigil din ito kay Lucas.
“Kung hindi lang guest ‘yan, kanina ko pa ‘yan sinapak.” naiinis nitong bulalas. Umakbay ito sa balikat niya. “Kung hindi mo kayang kantahin ang request niya sabihin mo lang. Ako mismo ang magbabalik sa kaniya ng pera niya.”
Napabuntong hininga na lamang siya. “Okay lang ako. Saka sayang ‘yong tip niya. Pambili rin ng gatas ng mga anak niyo ‘to.”
“Pero, Geri-”
“Don’t worry. Okay lang ako.” putol niya sa sasabihin ni Miguel tapos ay nginit
