ALAS SAIS pa lang ng umaga ay gising na si Geri. Matapos mag-almusal ay nagtungo siya sa tabing dagat bitbit ang isang malaking backpack at tent.
Gusto niya munang mag-relax kahit sandali tutal ay matagal-tagal na rin naman siyang hindi nakakapagbakasyon. Gusto niya munang lumayo sa resort na ito para maka-iwas kay Lucas. Sa tuwing nakikita niya kasi ang asawa ay nanunumbalik sa dibdib niya ang matinding sakit.
“Good morning, mang Rolly.” bati niya sa bangkero na noon ay abala sa pag-aayos ng bangka nito. Kagabi ay naki-usap siya rito na ihatid siya sa paborito niyang isla kung saan plano niyang mag-stay ng dalawang araw. Noong una ay ayaw pang pumayag nito kasi may nauna nang umarkila ng bangka nito ngayong umaga. Pinilit niya lang talaga si Mang Rolly tutal ay iisang isla lang nama
