NANG maramdaman ni Lucas na tulog na si Geri ay marahan niyang inunan ang ulo nito sa kaniyang braso at muling niyakap nang mahigpit ang katawan nito.
Unti-unting kumawala ang ngiti sa kaniyang mga labi. Hindi niya maintindihan ang sarili kung bakit parang napaka-gaan ng pakiramdam niya habang yakap si Geri sa kaniyang mga bisig.
Kanina lang ay selos na selos siya sa lalaking kasama nito, kaya naman nagawa niyang pukulin ito ng bola sa mukha dahil sa sobrang inis. Ngunit ngayong silang dalawa na lang ang nasa loob ng tent na ito ay napaka-payapa na ng pakiramdam niya, na para bang silang dalawa lang ang tao sa mundo ng mga sandaling iyon.
Parang napaka-kampante ng pakiramdam niya na ito ang kasama niya ngayon sa isang islang hindi naman pamilyar sa kaniya. Ilang araw niya pa lang nakiki
