Athena
Kinaumagahan ay nakatanggap ako ng mensahe galing kay Enzo.
Nakabihis na ako at hinihintay ko na lamang sya. Nakahanda na rin ang mga baon naming dalawa na laging inihahanda ni Nanay.
Nagkunot ang aking noo sa nabasa ko.
Enzo: I'm not feeling well baby, pero ipapasundo pa rin kita para maihatid sa school.
Tinatablan din pala ng sakit ang isang iyon. Kawawa naman. Nung huling pagkikita namin ay halata ko na talagang may kakaiba sa kanya. Matamlay sya at tila nanghihina. Pero kapag tatanungin ko naman kung ano ang nangyayari sa kanya ay wala naman syang ibang sagot kundi okay lang sya. Ayan tuloy natuluyan na nga sya.
Anong oras naman kaya darating ang susundo sa akin? Ayokong ma-late sa klase.
Tumingin ako sa pambisig kong relo. May ten minutes pa naman na natitira sa oras ko.
