Athena
Tumakbo ako sa loob ng comfort room ng mga babae at naglock ako sa isa sa mga cubicle doon. Pigil ang mga hikbi ko dahil ayokong marinig ng ibang naririto ang pag-iyak ko.
Pakiramdam ko ay aping-api ako dahil sa mga nangyari sa akin. Hindi ako naipagtanggol ni Enzo. Marahil ay alam na nya na pakana ito ni Mrs. Zobel. Marahil ay may ideya na sya na hindi ako gusto ng kanyang ina para sa kanya.
Kung bakit ba naman kasi ipinipilit pa ni Enzo ang mga bagay na hindi naman pwede. Una pa lang ay labag na ang lahat ng ito sa puso ko. Kung hindi ko hinayaan si Enzo na makapasok sa buhay ko ay hindi sana mangyayari ang kahihiyang ito.
Humihikbi ako habang nasa loob ng cubicle.
“Ang tanga nung waiter kanina, natapunan nya ng drinks yung girlfriend ng anak ni Mr. Zobel. Sobrang nakakahiya
