GEORGE
Agad na bumaba si Archie sa motorsiklo nito at mabilis ang hakbang na lumapit sa kinaroroonan namin ni Syke. Si Syke naman ay agad na hinarang ang katawan para hindi makalapit sa akin si Archie. Sa lapad ng katawan at tangkad nito ay hindi ko na makita ang kaibigan ko.
Wala akong ideya kung bakit tinatago ako nito kay Archie. Tila ba takot itong malapitan ako ng kaibigan ko. Para itong bodyguard kung umasta na anumang oras ay may kalaban na susugod.
"Ano'ng karapatan mong itago sa akin si George, Syke? Bakit kung makaasta ka ay pag-aari mo siya? May problema ka ba sa 'kin?" maangas na tanong ni Archie kay Syke na tila hindi man lang natinag sa sinabi ng kaibigan ko.
"Ikaw, may problema ka ba sa 'kin? Alam mo ba na muntik ng malagay sa piligro ang buhay ni George. Kaibigan ka
