Nakasimangot si Ranne habang nakaupo sa may shotgun seat ng kotse. Paano ba naman bigla na lang sumulpot ang bruho niyang amo, at nag-offer pa na hinatid sila sa hospital. At hindi lang 'yon, may plano pa itong hintayin sila.
Saka hindi lang iyon, naaasiwa din siya kasi kanina pa siya nito kinakaliskisan sa paraan ng tingin nito. Hindi niya tuloy alam kung ano ang trip nito.
"Bunso, okay ka lang ba diyan?" tanong ng Kuya Rocky niya sa kanya, na lalo niyang kinabanas.
"Okey lang ho," sabi niya, at tumingin sa may bintana.
"Ano ho pala ang pakay mo sa pagpunta ng bahay, Sir?" tanong ni Mang Kanor sa boss.
"Ipagpapaalam ko sana na isama si Ranne sa bahay bakasyonan namin sa Sual. Matagal-tagal na din na hindi kami nakapunta doon nina Mama at Papa."
"Kasama mo sina Madam Leonie at Sir
