بيت النجار

الفصل السابع

سامح: السلام عليكم ورحمة الله وبركاته

خليل: عليكم السلام يا ابني جيت علي طول يعني..

سامح: اه يا بابا أنا سلمت علي ا****عه هناك وقولتلهم كل سنة وانتو طيبين وجيت علي طول..

خليل وقد فهم: ماشي يا ابني ادخل ريح شوية قبل السحور..

سامح: لا يا بابا أنا هقعد في الهوا اذاكر شوية وبعدين احضر لكم السحور بئي..

خليل: ما امك هتقوم تحضره يبني خليك في مذاكرتك..

سامح: لا يا عم خليل ده انت جاي مخصوص عشان اعملكو شوية الفول بتوع السحور..انت مش عاوزني اخد الثواب ولا اي..خلي أم عادل مستريحة..

خليل: طيب أنا كنت قاعد عشان اطمن عليك..هقوم بئي اريح حبه قبل السحور..

سامح: ماشي يا بابا تصبح علي خير..

خليل: وانت من اهل الخير يا ابني..

في اول يوم رمضان وقت الفطار الحي كان هادي جدا بتملاه الألفة والمحبة..

نجات: ايه يا سعيد ما تقفل الكشك خلينا نفطر بئي..

سعيد: أنا خايف حد معدي يكون عاوز حاجة فقفل علي اخر وقت..

نجات: يا راجل حد معدي ايه كل واحد في بيته مستني الفطار..

سعيد: طب عملت لينا ايه حلو النهاردة علي الفطار؟

نجات: عملالك شوية محشي يستاهلو بوقك وفراخ محمرة..

سعيد: الله الله..عاوزك تتوصي بالولا محمود كدا وتغذيه..

نجات: من عنيا بس اقفل يلا..

سعيد: طيب ادخلي يلا اعمليلنا شوية عصير وأنا جاي وراكي..

وهو بيقفل عدي عليه الاستاذ خالد.

خالد: ايه يا راجل يا طيب هتقفل ولا ايه؟

سعيد: اه يا استاذ خالد هلحق الفطار بئي رمضان كريم عليك..

خالد: وعليك يا سيدي..عاوز اشتري بس شوية بسكوتات وحلويات للعيال قبل ما تقفل..

سعيد: من عنيا للحلوين خد اللي انت عاوزه..

خالد: ده وده..تمام كدا..اتفضل الفلوس اهي..كل سنة وانت طيب..

سعيد: وانت طيب يارب يا استاذ خالد سلملي علي الحلوين..

قفل سعيد ودخل يفطر..

في الوقت ده كان سيد بيغير هدومه ويظبط شعره عشان هيفطر عند الست ام عيشة..

عند أم عيشه طلعت تخبط علي استاذ علي..

علي: ايوه مين اللي بيخبط دلوقتي..

ام عيشة: انا يا علي يا ابني افتح..

علي: اهلا يا حماتي..اتفضلي..

ام عيشة دخلت ولاقت اكل متاكل منه علي الترابيزة وازايز شكلها غريب..

ام عيشة مستغربة: اي ده يا ابني..انت كنت بتكل ولا ايه..

علي بتوتر: لا أبدا يا حماتي ده من السحور..بس انتي عارفه بئي انا قاعد لوحدي ولا حد بيروق ورايا ولا حاجة..اتفضلي اقعدي..

ام عيشة: لا يبني انا عاوزاك تيجي تفطر معانا كدا عشان متفطرش لوحدك أول يوم رمضان كدا وتصالح مراتك يمكن ربنا يلين قلبها كدا ببركة الشهر الكريم..

علي: مش هينفع يا حماتي اصل انا كنت هنزل بعد الفطار علي طول عشان عندي شغل مهم..

ام عيشة: ماشي تفطر وتنزل علي طول عشان سيد كمان هيطلع يفطر معانا..ميقعدش معانا كدا ومفيش راجل..

علي بغضب: سيد مين ده اللي يطلع يفطر معاكم هو يقرب ليكم حاجة وأنا معرفش..

ام عيشة: لا يبني بس غلبان وطيب ومربيينه من صغره..صعبان عليا يفطر لوحده..يلا يا ابني ربنا يهد*كم لبعض..

علي: ماشي يا حماتي انا هغير هدومي وجاي وراكي اهو..

رجعت ام عيشة شقتها..

عيشة : انتي كنتي فين يا ماما؟

ام عيشة: كنت عند علي يا بنتي عشان ييجي يفطر معانا..

عيشة : روحتيله ليه كدا..طبعا مش هييجي يفطر..

ام عيشة: لا جاي ورايا اهو..

عيشه في نفسها: ده خسارة فيه الأكل اصلا..ده مش بعيد يكون مش صايم اصلا..

ام عيشة: ادخلي حطي الاكل علي السفرة مع اختك يلا الناس جايين..

عيشه بزهق: حاضر يا ماما حاضر..

جرس الباب رن..

ام عيشة: افتحي يا سعاد ده تلاقيه علي ولا سيد..

سعاد: حاضر يا اللي علي الباب حاضر..

سيد: السلام عليكم يا سعاد..

سعاد ولاحظت في عيون سيد حاجة غريبة: اتفضل يا سيد معادك مظبوط..

سيد: اتفضلي..

سعاد: ايه ده؟

سيد: دي كنافة مينفعش نبدأ رمضان من غيرها..

سعاد بضحك: والله عندك حق تعالي ادخل يلا..

ض*ب المدفع وأذن أذان المغرب وعلي السطوح اجتمعت عيلة الكامل علي طبلية واحدة..

خليل وهو بيرفع كوباية الخشاف: اللهم اني لك صومت وعلي رزقك الحلال افطرت..كل سنة وانتو طيبين يا ولاد والسنة الجاية ان شاء الله نفرح ليكم كلكم..دلال اقوم بالسلامة ان شاء الله وتجيبلنا اخ لمحمد ولا اخت لزينب..

دلال: اللهم ءامين يا عمي ربنا يبارك لنا فيك ويديم اللمه الحلوة دي..

خليل: وسامح بئي يتخرج علي خير ونفرح بيه ونعمة تدخل الكلية اللي نفسها فيها..

ام عادل بضحك: وأنا يا حاج مليش دعوة حلوة..

خليل: ده انتي ست الكل ده أنا علي طول بدعيلك..بس نفسي بجد السنة الجاية ان شاء الله اخدك ونروح نزور سيدنا النبي ونعمل عمرة..

الجميع بصوت عالي: عليه افضل الصلاة والسلام..

ام عادل: ياريت يا حاج والله..ربنا يكتبها لينا..

خليل: كلو كويس يا ولاد امكم عليها صنية بطاطس باللحمة محصلتش..كل يا محمد كلي يا بت يا زينب..

زينب: بنكل اهو يا جدي..

اما عند الاستاذ خالد فقد كان الجو لطيفا علي غير العادة..

خالد: كل سنة وانتو طيبين يا ولاد..رمضان كريم عليكم..

جنة: وانت طيب يارب يا بابا يا حبيبي..

عصام: وانت طيب يا بابا ربنا يخليك لينا..

فريدة: وانت طيب يا خالد والسنة الجاية ان شاء الله تكون في احسن حال..

خالد: اللهم ءامين يارب..علي فكرة يا فريدة انا لاقيت شغل بعد الضهر في محل ملابس قريب من هنا..ايه رايكو يا ولاد؟

جنة: بس انت بتتعب في شغلم الصبح يا بابا وكدا مش هنلحق نشوفك قبل ما ننام..

خالد: لا يا حبيبتي هخلص الشغل بدري ان شاء الله واجي اقعد معاكو قبل ما تنامو..

عصام: ربنا يقويك يا بابا..بكرة ان شاء الله اتخرج واشتغل واساعدك أو حتي متحتاجش تشتغل خالص..

خالد بضحك: ماشي يا استاذ عصام لما نشوف..

خالد: اي رايك يا فريدة مش بتشاركينا في الكلام ليه؟

فريدة بامتنان: هقول ايه ربنا يقويك علينا وعلي حملنا..

خالد: أهي هي دي الدعوات الحلوة اللي احب اسمعها..ربنا يهد*كو ليا يارب يا ولاد..

أما عند الاسطي منعم..

منعم: ايه الأكل ده كلو يا نعمات انتي عازمة حد كمان معانا..

نعمات: لا ولا حد ولا حاجة مفيش غيرنا بس انا عاوزاك تتغذي انت ش*يان طول النهار..

منعم: طب خودي طبق البسلة باللحمه ده اديه الست ام عادل هم بيفطرو علي السطوح برا..

نعمات: حاضر من عنيا..

نعمات: يا نعمة يا نعمة..

نعمة: نعم يا ابلا نعمات..

نعمات: خدي الطبق ده كل سنة وانتو طيبين.

نعمة : وانتي طيبة يارب يا ابلا نعمات..

نعمة بضحك: جالكو طبق بسلة باللحمه اهو رزق من عند ربنا..

خليل: من مين ده يا نعمة ما الاكل كتير اهو..

نعمة: من ابلا نعمات..

خليل: ربنا يرزقك الذرية الصالحة..قولو امين يا ولاد..

الجميع: ءامين يارب..

خلص الفطار وقام الجميع من علي الاكل..

خليل: اعملي لينا دور شاي بئي يا نعناعه..

نعمة: حاضر يا بابا..

ام عادل: نعمة يا نعمة ..تعالي ودي طبق القطايف ده للاسطي منعم...

نعمة: حاضر يا ماما..خلي بالك من الشاي عقبال ما ارجع..

نعمة ودت طبق القطايف لابلا نعمات ودي من عاداتهم ميرجعوش الطبق الا فيه حاجة حلوة...

نعمات دخلت وقفلت..

منعم: اي ده يا نعمات اللي في ايدك وواقفه قدام الشباك كدا ليه تبصي علي الناس يقولو علينا ايه بس

نعمات: ده طبق قطايف من الست ام عادل..بتف*ج عليهم وهم قاعدين سوا..اللمة حلوة اوي يا منعم..شكلهم يفرح كدا والعيال بتلعب حواليهم..

منعم شاردا: ربنا يرزقنا ان شاء الله..

تحت عند ام عيشة خلصو فطار بردو ..

علي: انا هنزل بئي يا حماتي عشان الشغل متشكرين علي الأكلة الحلوة دي..

ام عيشة: بس انت مكلتش يبني هي دي أكلة واحد صايم طول النهار..

علي بتوتر: اه صايم اومال ايه..سلام عليكم..

ام عيشة: عليكم السلام ورحمة الله وبركاته

سيد بحرج: انا كمان هطلع ابص كدا علي دكتور فؤاد اشوفه عامل ايه..

ام عيشة: طيب يا ابني استني خدله طبق الكنافة ده معاك وسلملي عليه..

سيد: الله يسلمك..عاوزة حاجة يا انسه سعاد..

سعاد: شكرا يا سيد متنساش فول السحور بئي..

سيد : من عنيا..

وطلع سيد لدكتور فؤاد..

أما أول يوم رمضان في الحي الراقي اللي فيه فيلا الحاج سلامة مختلف تماما..لا زينة ولا فوانيس ولا حد يعرف حاجة عن جيرانه..

يتبع،،،