Isang linggo na si Annalor sa Paraiso Almonte. At pakiramdam niya, inaaksaya niya ang mga lumilipas na araw. Isang beses lang muling lumapit sa kanya si Dave mula nang sumalo ito sa kanilang hapunan. At iyon ay nang minsang tapos na ang oras ng kanyang trabaho at nagpapahinga sa tabing-dagat.
It was a “hi” and “hello” meeting. Bago pa nakapagbukas ng usapan si Annalor para makasama ito nang ilan pang sandali, iniwan na siya ng lalaki.
Humugot siya ng malalim na hininga. Kapag pinalampas pa niya ang araw na iyon na walang nagagawang hakbang, hindi na niya mapapatawad ang sarili.
Mula sa kinatatayuan, tanaw na tanaw ni Annalor ang bulto ni Dave. Nakatayo ito sa balkonahe ng sariling cottage. Kagaya ng dati, nakatanaw na naman ito sa dagat habang naninigarilyo.
Nagsimulang humakbang si An
