NAGISING si Lorelei na hindi niya maigalaw ang kaniyang katawan. Umungot siya pero kahit anong gawin niya ay hindi talaga siya makakagalaw dahil sa higpit na pagkakatali ng kaniyang mga kamay sa likurang bahagi ng silyang kaniyang kinauupuan. Ganoon din ang mga binti niya at may panyo ring nakabusal sa bibig niya.
Napakurap siya nang pamilyar sa kaniya ang kinaroroonan niya. She’s here again. Nasa loob na naman siya ng basement. Ibig sabihin ay dito siya sa mansion ng kaniyang lola Conchitta dinala ni kuya Randolf. Her heart hurt upon remembering him.
Ano ba ang naging kasalanan niya sa lalaki at pinili nitong umanib kay lola Conchitta? At bakit ito maghihiganti sa kaniya? Wala naman siyang natatandaan na kasalanan niya rito. Ito pa nga ang may kasalanan sa kaniya dahil sa ginawa nitong
