HINDI alam ni Charity kung gaano katagal siyang nanatili sa loob ng banyo. Desidido na siyang uuwi at iiwan si Stefano sa party at itetext na lamang ito. Hindi na siya maaring manatili roon dahil nakita siya ni Cameron. Sana nga lang ay hindi siya nito nakilala, iyon na lamang ang ipinagdadasal niya.
Nang makahugot ng lakas ng loob na lumabas na, kinuha niya ang purse at nagtungo sa pintuan at dagliang lumabas. Nakailang hakbang pa lamang siya nang bigla siyang napasigaw dahil may mala-bakal na kamay ang humila sa kaniya at isinandal siya sa pader. Napaigik pa siya sa kirot na naramdaman, dahil napakatigas ng pader.
"Ano ang kailangan mo-" naputol ang sasabihin ni Charity at nanlaki ang mga mata nang makita si Cameron sa harapan niya.
Stiff, cold and magnificent. Time made him more int
