NAGPUPUYOS sa galit si Agatha hanggang sa makauwi sa bahay. Maigi na lang at siya ang tinawagan ng head security ng mall. Maigi na lang at nasa malapit lang siya dahil kinausap niya ang magulang ng isang batang balak magpa-tutor sa kanya. Pinuntahan niya sa trabaho ang ginang na nagkataong nasa Taguig kaya napuntahan niya kaagad ang anak sa mall.
Umiiyak daw na nakita si Yogo ng isang security guard. Palakad-lakad at tinatawag ang mama nito. Nang makita ang nakaunipormeng security guard, agad na inilabas ni Yogo ang laminated card na palagi niyang inilalagay sa bulsa nito at ipinakita. Kaagad siyang tinawagan sa pag-aakalang nasa loob lang siya ng mall.
Hindi pa alam ni Agatha ang buong kuwento, ngunit kaagad na naghari ang galit sa kanya. Mag-isa lang niyang itinaguyod ang dalawang anak
