NAGULAT si Jaco nang pagpasok sa restaurant nang araw na iyon ay nalaman na may bago silang kasamahan sa kusina. Isang college undergraduate na magiging dishwasher nila mula sa araw na iyon. Bago pa man makapagtanong ay ipinaliwanag na ng manager na magiging helper pa rin siya, ngunit hindi na niya trabaho ang paghuhugas ng mga pinggan at paglilinis ng kusina.
Kaagad nagduda si Jaco. May kinalaman yata roon ang Ate Noreen niya. Aminado siya na pinakanahihirapan sa paghuhugas ng mga pinagkainan ng mga customer at mga ginamit ng kitchen staff, ngunit kaya naman niya ang trabaho. Ayaw niyang mabigyan ng special treatment. Kung noon marahil ay labis siyang masisiyahan, ngunit ngayon ay mas gusto niyang paghirapan ang lahat ng ibibigay sa kanya.
“Mas angkop sigurong tawagin kang prep cook per
