NAKAPAGLUTO na ng hapunan si Pippa nang makauwi sa bahay si Ike. Pawis na pawis ang binata at mukhang hapong-hapo. Mukhang nagbilad sa arawan dahil bahagyang namumula ang mukha. Paglapit ng binata ay hindi niya napigilan ang sarili at niyakap ito nang mahigpit.
Natatawang gumanti ng yakap si Ike at hinagkan ang ibabaw ng kanyang ulo. “Ang sarap,” paungol nitong bulong sa kanyang tainga. “Sana, palaging ganito kapag umuuwi ako. Ang sarap-sarap umuwi.”
Gumapang ang kakaibang kiliti sa buong katawan ni Pippa. Mas hinigpitan niya ang mga brasong nakapaikot sa baywang ng binata. She nuzzled his chest. Mabango pa rin ito kahit na pawisan at nababad sa araw. Marasap pa ring samyo-samyuin.
“You’re perfect.”
Nanigas ang katawan niya, ilang sandaling hindi nakagalaw. Hindi naman nakaligtas sa bi
