PEACHY
MATAPOS SABIHIN sa akin ni Raegan kahapon ang tungkol sa sinulat niyang article patungkol sa mga Peralta ay hindi ko na iyon maalis sa aking isip. Malakas ang kutob ko na katotohanan ang nilalaman ng article ni Raegan kahit na hindi ko alam kung ano ang basehan niya. P’wedeng may nasaksihan siya, o maaaring may narinig siya.
Napabuntong-hininga na lamang ako at nagpatuloy sa paglalakad hanggang sa marating ko ang classroom ng G-1. Ngunit laking pagtataka ko nang wala akong madatnan ni isa sa mga classmate ko. Nilibot ko ang aking paningin at napakunot-noo nang makita na naman si Lottie na humahangos palapit sa akin.
“Lottie, lumipat ba tayo ng classroom o walang pasok?” takhang tanong ko nang huminto siya sa aking harapan.
“Peachy, mabuti na lang nandito ka na,” hingal na hin
