PEACHY
NAPABALIKWAS AKO ng bangon nang marinig ko ang tunog ng aking alarm. Ilang segundo pa akong nakatulala lang sa kawalan habang iniisip kung bakit ako may alarm ng ganito ka aga at kung bakit hindi ako nakapantulog—
“Holy s**t!” bulalas ko at natutop ang aking bibig nang sa wakas ay naalala ko na ang nangyari.
Napahawak pa ako sa aking sintido nang bigla na lang iyong sumakit marahil ay dahil sa hangover. Birthday ko nga pala kahapon at nagwalwal kaming tatlo nila Gado at Sasah. Mabuti na lang at nakauwi ako mag-isa—
“Ay bakla ka ng taon!” gulat na bulalas ko nang makarinig ako ng hilik sa ibaba ng aking kama.
Napakurap ako at nang tingnan ko kung sino ay agad na bumungad sa akin ang nakangangang si Gado at si Sasah. Mukhang pare-pareho kaming lasing na lasing kagabi kaya hindi
