PEACHY
“PEACHY! NABALITAAN mo na ba?!” patili at tila natutuwang salubong sa akin ni Gillian nang makaupo ako sa aking assigned seat.
Napabaling ang tingin ko sa kaniya at hindi ko maiwasan ang bahagyang magtaka dahil kapansin-pansin ang tila pagiging masiyahin ni Gillian nitong mga nakaraang araw. Ngunit sa halip na mag-isip ako nang kung ano ay mas minabuti ko na lamang ang maging masaya para sa kaniya. I’ve never seen her happy like this.
“Nabalitaan? Ang ano?” takhang tanong ko sa kaniya.
“May field trip tayo next week,” aniya habang malapad ang ngiti sa labi.
Matapos kong marinig ang sinabi ni Gillian ay hindi tuwa ang aking naramdaman kundi inis. Going on a field trip is unnecessary. Napabuntong-hininga ako at ngumiti nang malungot dahilan para unti-unting maglaho ang ngiti
