Nakauwi na ang dalawa sa kanilang mga bahay, si William naman habang papasok sa kanilang bahay ay may napansin siya sa gawing sala dahil parang may mga boses na nag-uusap at hindi lang isa.
Lumapit si William at kitang-kita ang ina at ama niya na nakaharap sa gawi niya habang nakaupo. Ang pinagtataka niya ay ang nakaupo sa isang upuan, pero nakatalikod sa kanya. Nang halos nakalapit na si William ay napansin naman siya kaagad ng kanyang ina, kaya tinawag na siya nito.
Nakangiti ito habang papunta kay William. "William, buti narito ka na, may surprise kami sayo."
Kumunot ang noo ni William pero hindi muna nagsalita. Napansin naman niya na biglang tumayo ang babaeng nakatalikod, at ng humarap ito sa kanya ay lalong nagsalubong ang mga kilay ni William. "Charice?"
Ngumiti ito at lumapit s
