KOFFIE
“Okay ka lang, Ma’am Koffie?” Binasag ni Kuya Gibo ang pananahamik ko. Kanina pa ako tahimik simula nang umalis kami sa bahay.
“I’m not okay, Kuya Gibs,” pag-amin ko.
Sino ang matutuwa kung pagdating pa lang sa bahay, aalis na naman ako dahil kailangan? Akala ko pa naman ay makakapagpahinga ako.
Nang malaman ni Mama na nakauwi na ako, dali-dali niya akong pinapahatid sa bahay ni Lola Min nang hindi man lang ako tinatanong kung gusto ko. Kauuwi ko lang, pero ganoon ang ibubungad niya sa akin?
“Sabihin mo lang, Ma’am Koffie. Pwede naman tayong hindi tumuloy.”
Umiling ako. “Magagalit si Mama,” sagot ko. Iyon lang naman ang inaalala ko kapag hindi ako pumunta. Kilala ko ang ugali ni Mama. Kapag hindi nasunod ang gusto niya, sasama ang loob niya sa akin. Ayoko namang mangyari
