Noong pumasok si Jina sa dressing room ko ay nilingon ko agad siya. Walang ekspresyon sa mukha na tiningnan ko siya. Napansin ko naman na nagdahan dahan siya sa pagsasarado ng pinto. Walang ibang tao sa dressing room kundi kami lang dalawa. Inutusan ko na bumili ng pagkain si Tiffany. Si kelly naman ay nasa itaas dahil kausap niya ang management. Ang ibang kasama niya sa glam team ay hindi pa nadating.
“Bakit nagkakagulo kayo sa labas ng dressing room?” tanong ko sa kaniya. ang boses ko ay may halong pagtataray kaya nakita ko na napalunok siya ng laway.
“Po?” tanong niya sa akin. Halata sa kaniya na kinakabahan siya.
“I’m asking you kung bakit nagkakagulo kayo sa labas? Ang aga ng tsismisan niyo,” mataray kong puna sa kaniya.
Kunwari ay hindi ko alam ang pinagkwentuhan nilang dalawa. K
