“HI Louise, hello Matet.”
“Sir Alfie!” halos sabay naming sabi ni Matet.
Lumawak ang pagkakangiti ko nang makita siya. Nakasuot ito ng kulay black jogger pants, white v-neck shirt at black jacket. Yakap pa nito ang kaniyang sarili dahil sa lamig dito sa Sagada. Ako man ay ramdam din ang panlalamig dahil wala akong jowa—este dahil sa lamig ng klima.
“Puwede bang maki-join sa inyo?” ulit niyang tanong na mabilis kong tinanguan.
Pangdalawahan naman ang pahabang upuan na narito kaya kakasya kami ni Alfie. Sina Jacob at Matet kasi ang magkatabi kaya mag-isa ko lang dito sa upuan.
Umusod ako ng upo sa dulong bahagi ng upuan saka tinapik nang tatlong beses ang aking tabi. “Puwedeng-puwede po—”
“Maraming bakanteng upuan diyan. Bakit dito pa?” masungit na putol ni Jacob sa akin kaya natigi
