JACOB
ISANG malalim na buntonghininga ang pinakawalan ko bago pumanhik sa limang baitang na hagdan na gawa sa kawayan patungo sa kuwarto kung nasaan si Louise ngayon. Sigurado akong gising pa siya dahil kakapasok pa lang niya kanina bago ko siya sinundan.
Pero nang sandaling nasa tapat na ako ng pintuan na ang nagsisilbing tabing lang ay manipis na kurtina, bigla akong nakaramdam ng pagka-alangan.
Biglang pumasok ang iba’t ibang senaryo sa isip ko. Kapag umamin ba ako ng nararamdaman ko sa kaniya, may makukuha ba akong katugon? Baka murahin niya lang ako at sabihan na demonyo. Kapag sinabi ko ba ang nararamdaman ko sa kaniya, manininiwala ba siya? Siguradong tatawanan niya lang ako at tutuksuhin. What if layuan niya lang ako pagkatapos nito?
Damn it! Naikuyom ko ang aking magkabilan
