PASADO alas diyes na ng gabi nang maka-uwi kami ni Andrew. Habang naglalakad ay namataan ko agad ang isang pulang sports car na nakaparada sa tapat ng bahay ko.
Lumapit ako sa side ng driver's seat at sinilip ang tao sa loob subalit masyadong tinted ang salamin. Hindi ko man nakita ang tao sa loob ngunit malakas ang kutob ko kung sino ang nakasakay sa magarang kotse na iyon. Kilala ko kasi ang sports car na ito dahil ilang beses ko na itong nakita sa hotel.
Kinatok ko ang bintana. Mayamaya pa ay bumukas na ang pinto at lumabas ang matangkad at matipunong lalaki na kanina pa gustong masilayan ng aking mga mata, walang iba kundi si sir Tyrone. Halatang bagong gising siya dahil medyo namumugto pa ang kaniyang mga mata.
"Where have you been, Maxene? Bakit hindi mo na naman sinasagot ang mga
