MATAPOS mag-lunch ay magkasabay kaming bumalik sa hotel ni Andrew. Hinatid niya ako hanggang sa reception area. Inabutan namin doon si Faith na nakikipagkuwentuhan kay Melai.
"I'll go ahead, Max. Kita na lang ulit tayo mamayang uwian."
"Okay. Thanks ulit sa lunch." Inabot ko sa kaniya ang mga gamit ko para siya na ang magbalik ng mga iyon sa locker ko. Tinatamad na kasi akong maglakad sa sobrang kabusugan.
"Anytime. Basta ikaw." Tumalikod na siya at naglakad na papalayo.
Bumati ako kay Faith na noon ay masamang nakatingin sa papalayong kaibigan ko.
"Kaya naman pala ang init-init ng ulo ni sir Tyrone kasi may ka-date kang ibang lalaki."
Kumunot ang noo ko sa sinabi niya.
"Boyfriend mo ba siya, Max?"
"Hindi po. Bestfriend ko lang si Andrew. Actually, siya ang nag-refer sa akin sa hot
