Chapter 27
Hanggang sa dumating ang araw na kailangan niyang sabihin ang isa sa sikreto niya.
Ang tungkol sa mga itim na ispiritu. Inaasahan niya ay matatakot si Sebero ngunit nang sabihin niya dito na nakakakita siya ng mga itim na ispiritu ay wala naman itong naging reaskyon sa sinabi niya.
“Oo nga pala, dadayo kami ng trabaho sa kabilang nayon, baka umuwi ako tuwing katapusan ng buwan.”
Napatingin siya kay Sebero nang magsalita ito.
“H-Hindi ba at malaki na ang iyong kinikita sa bayan?” tanong niya.
Napatigil si Sebero sa pagtatahip ng bigas at nakita niyang nagsalubong ang mga kilay nito.
“Ayoko lang kasi na maubusan tayo ng ipon, kaya pumayag na rin ako na isa ako sa isama para pumunta sa kabilang nayon. Para rin sa atin iyon at sa kinabukasan natin, Lucyva,” sabi ni Sebero. N
