Chapter 42
“Pero pinabilib mo talaga ako kanina, Emmanuele. Alam ko naman na palaban ka pero sa nakita at napansin kasi namin sa ‘yo talagang nagbago ka kaya nag-alala rin kami sa kung paano mo tatanggapin iyong mga masasamang salita na ibabato ni Reta sa ‘yo.”
May oras pa sila para makapag-usap, iilan lang rin ang tao sa loob ng classroom dahil vacant time pa naman nila.
“Mabubuti silang mga kaibigan, Lucyva, maaari ka na matuto sa kanila. Sa tingin ko ay magiging open sila lalo na at alam nila ang kondisyon ni Emmanuele. Nawalan ng ala-ala.”
“Ano ba ang sabi ng doctor mo, Emman? May pag-asa ba na bumalik ang mga dati mong ala-ala?” tanong ni Venice.
“Ahm... kasi—
Napahinto siya sa pagsasalita dahil nakita niya na pumasok ng classroom si Haze. Nakabalik na ito galing sa headquarter
