TAMING THE SYNDICATE LEADER

Nagpasyang lumayo muna si Kirsten sa birthday party na nangyayari sa isang resort dito sa La Union kung saan siya naroroon. Um-attend siya kasi rito sa isang magarbong kaarawan ng isang kaklase niya, subalit na-boring siya kaya nagdesisyon muna siyang maglakad-lakad. Tuwang-tuwa siya habang pinagmamasdan niya ang mga bituin sa langit. Buti pa rito sa labas ng resort, nakaka-enjoy kaysa doon sa loob na puros payabangan ang usapan at pagandahan o paguwapohan ang mga bisita. Dito ay nakagagaan sa pakiramdam ang payapang dagat at ang katahimikan ng paligid. "You're lone? Aren't you scared?" Nang bigla ay boses ng lalaking nakagulat sa kanya. Napakislot siya sabay lingon sa likod niya. Kunot ang noo niyang napatitig siya sa madilim na parte ng paligid. Pinilit niyang inaninag kung sino ang nagmamay-ari ng tinig, subalit madilim talaga ang lugar na kinatatayuan ng lalaki. "Sino ka?" tanong niya sa malakas na boses. Kinabahan siya. Baka masamang tao ito? r****t? Killer? Naku po! Nakapamulsa na lumabas naman ang lalaki sa pinagtataguan at lumapit ito sa kanya. "S-sino ka?" tanong niya ulit nang makalapit ng husto ang lalaki sa kanya. Kita na niya ng mukha nito at in fairness guwapo. Ehem! This is it pansit! Ang prince charming niya, nakita na niya! Nagpakita na sa wakas! Ayiee! Hindi na siya bata pero OO, naniniwala pa rin siya na mayroong Prince Charming na nag-i-exist sa panahon ngayon, Prince Charming na kahit moderno na ay kahintulad pa rin ng mga Prince charming nina Cinderella at Sleeping beauty. Prince Charming na inaasam-asam niya na makikilala niya sa isang romantic place. Ngumiti sa kanya ang lalaki. "Why are you alone here? Baka mapa'no ka?" She blushed profusely. Nagdaup sa kanyang bandang dibdib ang dalawang kamay niya at pumungay ang mga matang napatitig siya sa guwapong mukha ng prince charming niya. Jusko! Huwag naman sana siyang mahimatay! Lumapit pa ang lalaki sa mismong kinatatayuan niya hanggang sa magdikit na sila. Feeling niya ay hindi na stable ang mga vital signs niya. Hindi siya napakali, eh. Sobrang kabog na ang puso niya, eh. Gosh! Para mapigilan ang sobramg kilig niya ay napalunok siya ng laway niya't napapakagat labi. Naroong hawiin din niya ang tumatakas na buhok sa kanyang mukha. "Lord, tulungan niyo akong hindi mahimatay. Sayang po ang moment," pilyang naidasal niya. Aba'y mahirap na. Kay tagal niyang inasam ang moment na ito. "You are the most beautiful woman I have ever seen in my whole life," mahinang sabi ng lalaki kasabay ng masuyong paghawak nito sa baba niya. Amoy na amoy niya ang hininga ng lalaki, ang fresh, amoy colgate. Charr! Pakiramdam niya ay matutunaw siya sa pagtitig sa kanya ng lalaki. Kusang napikit siya ng mata at kusa ring humaba ang kanyang mga nguso... Ngunit.. Subalit.. Nga lang.. Ay.. RWAAAARRRR! -angil na ng nakakatakot na lalaki. Napadilat siya pero huli na para umiwas siya dahil kinagat na ng lalaki ang leeg niya. Bampira pala ang loko! "Eiiiihhhhh!!!" malakas na tili ni Kirsten sabay pabalikwas ng bangon. Hingal na hingal siya at pinagpapawisan. Grabe! Akala niya totoo na! Pero buti na lang panaginip lang pala iyon! 'Di niya pinangarap na magka-prince charming ng isang bampira, noh?! Ew! Kinapa niya ang leeg. Salamat at wala 'yong kagat. "Ate, nasa baba si Ate Joy. Tawag ka!" Silip ng kapatid niyang si Kert sa kanya. Si Joy ay pinsan nilang buo at best friend na rin niya. Magkasing edad lang kasi sila ni Joy kaya simula pagkabata ay sila na lagi ang magkasama. "Sige baba na ako kamo," kakamot-kamot ulong aniya. Mabilis siyang nag-ayos sa sarili. Sasamahan niya kasi si Joy. May bibilhin daw ito sa mall. White na t-shirt at ripped jeans lang ang OOTD na napili niya ngayon. Tapos ay pinuyod niya na lamang ang kanyang buhok. Magmo-mall lang naman sila ni Joy kaya okay na ang simpleng outfit lang. Bumaba na siya pagkatapos maaayos ang sarili. "Ay! Buti naman at bumaba na rin ang prinsesa!" nakasimangot na parinig ni Joy nang makita siya. Nabagot na siguro ito sa pag-antay sa kanya. "Pasensya na. Nasarapan ng tulog. Ganda kasi ng panaginip ko, eh." "Suss! Ano?! Nakita mo na naman ang prince charming mo sa panaginip mo?!" ngiwing ani Joy. Sanay na ito sa pinsan. Wala na kasing ibang bukambibig si Kirsten kundi ang magiging prince charming nito. Tumango si Kirsten pero nang maalalang bampira ang kinilabasan ng prince charming niya kagabi, "Kalimutan mo na ngayon! So, saan tayo?" ay pag-iiba niya ng usapan. Lalo lang kasi siyang bubuskahin ni Joy 'pag ikwe-kwento niyang horror ang kinalabasan ng dapat ay romantic na panaginip niya. "Tulad ng sinabi ko kagabi bibili tayo ng gift." Naglakad na sila palabas ng bahay. "Para saan pala ang gift na bibilhin mo?" "Naalala mo si Insan June?" "Oo naman." Si June ay pinsan sa kabilang side ni Joy. "Pabinyag niya ngayon, at ninang ako ng baby niya. Kaya pagkatapos nating bumili ng gift diretso na tayo ro'n." Nagliwanag ang mukha niya sa pagka-excite. Ito kasi ang mga gusto niya, 'yung mga dadalo ng mga event o okasyon. Naniniwala kasi siyang sa pamamagitan ng mga event o mga okasyon ay makikilalala niya roon ang prince charming niya. Or sa pagpunta ng mga place na romantic. Nagbabakasakali ba. Aba'y kailangan nang mag-effort siya, paano'y magse-seventeen na siya at NBSB (No Boyfriend Since Birth) pa rin siya, mali naman yata 'yon. Samantalang si Joy naka-lima na ng Ex-Bf. Kaya it's so unfair! "Madami ba roong papa? You know?!" siko niya kay Joy. Umismid sa kanya ang pinsan. "Ikaw, ha? Operation hanap jowa ka na naman, hah?!" "Yaan mo na ako!" Humagikgik siya. Inirapan siya ng pinsan pero ngumiti rin agad. "You're so luka-luka talaga, Insan. Pero malamang kasi madaming barkada si June!" "Yey!" Kinilig siya. "Pwede bang dumaan muna tayo sa parlor. Ang chaka naman ng histura ko kung ngayon ko na makikilala pala ang prince charming ko, 'di ba?" Natawa sa kanya si Joy. "Oo na sige na!" tapos anito na pinatulan ang kapraningan niya. ••• "Oh, Kirsten ba't andito ka sa labas? Doon tayo sa loob? Kumain ka na ba?" pansin sa kanya ni June. Ang pinsan ni Joy at ang ama ng batang bininyagan. Nandito na sila ngayon sa bahay nila. "Sige lang, June, kumain na ako," aniya na napangiti. Pinagilaw niya ang boses para hindi mahalata ni June na nabo-boring na siya. Wala kasing gwapo! Madami ngang lalaki, wala naman siyang nagugustohan! Kaya imposible na dito niya makikita at makikilala ang prince charming niya. Kaya nga lumabas muna siya rito sa gate para magpahangin, para kahit konti lang ay mabawasan ang pagkabagot niya. "Gano'n ba. Sige ipasok ko lang 'to, ha?" Tinaas pa ni June ang dala nitong isang case ng alak. "Pasok ka sa loob para hindi ka mainip diyan." "Sige lang. Papasok din ako maya-maya," saad niya na nakatawa. Pero napalis agad ang tawang iyon nang makapasok na si June at awtomatiko na humaba-haba na ang nguso niya. "Aisst! Bakit ba kasi ako pumunta-punta pa rito?! Wala namang guwapo!" maktol niya sa isip-isip niya. Kapansin-pansin na naglipana ang lalaki sa loob pero parang mga ewan, mukhang mga tambay lang sa kanto. Parang mga adik o kaya 'yong parang mga rakista o 'di kaya naman mga jejemon. Ew! Ayaw na ayaw niya 'yong mga tipo ng mga lalaking ganoon. Para sa kanya ang dugyot ng lalaking mga gano'n. Napahalukipkip siya. Gusto niyang ubusin ang oras sa labas na lang kaysa sa loob pero nakaramdam siya ng ihi kaya napilitan din siyang pumasok. "Saan ka ba galing na babae ka?" sita agad sa kanya ni Joy nang makita siya. "Sa labas," kabusangot na sagot niya. "Ow?! So, nakita mo na ang prince charming mo? Nag-usap kayo roon sa labas? 'Asaan siya?" Bahagya niyang binatukan ang pinsan. "Tangi! Kaya nga ako lumabas dahil naiinis ako rito sa loob. Dahil wala namang mukhang prinsepe rito. Ang meron mga mukhang drug addict." "Grabe ka naman! Kahit naman mga ganyan 'yan, eh, mga mababait naman mga 'yan!" pagtatanggol ni Joy sa mga lalaki. Napangiwi siya. Saang banda kaya ang mababait na tinutukoy ni Joy? Urgh! Parang may pagkain sa bunganga niya na hindi niya malasahan nang mahalatang nagpapa-cute pa sa kanila ang mga lalaki, lalo na sa kanya, dahil pasulyap-sulyap ang mga ito sa kanila habang nag-iinuman at nagkakantahan sa vedioke. "Aanhin mo ang kabaitan kung mga mukhang ewan naman!" Naisatinig niya tuloy na tinaasan pa si Joy ng isang kilay at hinalukipkipan. Natawa si Joy. "Ay naku! Nasaan ba ang CR dito? Nawiwiwi na ako." Nang maalala niya ang sadya kung bakit siya pumasok ulit. "Do - -" doon sana ang sasabihin ni Joy. Pero kasi ay may nag-excuse me sa kanila na lalaki. At nang tingnan nila ay guwapo! Agad syempre lumuwa ang mga mata niya. Saan 'to galing? Wala naman guwapo kanina, ah? "Ano 'yon?" Pa-cute niya agad sa lalaki. "Tatanungin ko sana kung saan ang banyo?" namumutlang sabi ng lalaki, pinagpapawisan din ito ng malapot. "Doon!" Turo ni Joy sa may bahagi ng kusina. Inunahan pa siya ng gaga. "Okay! Salamat!" Malalaki ang hakbang na tinungo ng lalaki 'yon. Kinilig silang magpinsan. "Naiihi rin ako!" Tapos aniya na may pilyang ngiti. Sumunod siya sa lalaki. Sa labas ng banyo niya ito inantay. Kaso nang marinig niya ang malakas na PROOTTTTT mula sa loob ng CR. Yucccckkk!!" ay sambit niya na diring-diri. Turn-off.........