"GUSTO ko munang mapag-isa, ikaw na bahalang magdahilan sa professor natin," pakiusap ni Andi kay Shanstar na hanggang ngayon ay wala pa ring tigil sa pagsunod sa kaniyang likuran.
"Pero—" hindi na nito naituloy pa ang sasabihin ng lingunin niya ito at pigilan.
“Bakit ba ang kulit mo?! I want to be alone, so stop following me!" muling pakiusap niya bago ulit niya ito tinalikuran at dali-daling lumabas ng BSU.
Mabuti na lang at napaniwala niya ang guard na masama ang pakiramdam niya kaya pinauwi rin siya. Salamat sa namumula at namamaga niyang mga mata na naging dahilan para makumbinsi niya ang gwardya ng walang kahirap-hirap.
Naglakad-lakad lang siya hanggang sa bus stop. Hindi niya na nga alam kung ilang oras ang nilakad niya mula school hanggang sa kinaroroonan niya ngayon. Basta a
