Matapos na marinig ang sinabi ni Andrew ay saglit siyang natigilan.
Si Andrew ay hindi rin nagsalita pagkatapos nun.
Parang alam nito na kung pipilitin niya si Meri, mas lalo lang lalayo sa kanya.
Kaya nanatili lang ito sa tabi ni Meri at hindi umaalis nang mga sandaling kasama niya ang babae.
Hanggang sa si Meri na mismo ang unang pumutol sa katahimikan.
“Bakit ang tahimik mo?” mahinang tanong niya, nakatingin pa rin sa tubig sa ilalim ng tulay.
Napalingon si Andrew sa kanya.
“Gusto mo bang magsalita ako?”
Umiling siya pero hindi pa rin tumitingin kay Andrew.
“Hindi. Nakakainis ka nga kapag nagsasalita ka.” aniya.
Napangiti si Andrew.
“Pero nandito ka pa rin kasama ako.”
Napairap si Meri kahit walang nakakakita.
“Wala akong choice. Nasa harap kita.”
“May choice ka,” sagot ni
