Mabilis akong sinakal ng lalaki! Iniangat pa niya ako sa ere at nanlaki ang mga mata ko. Sinubukan ko na alisin ang kaniyang kamay sa leeg ko, pero sobrang lakas niya. Hinang-hina na ako ngayon, ngunit agad din akong nalaglag sa sahig. Sobrang bilis ng pangyayari. Halos hindi ko na makita ang dalawang lalaki sa harapan ko. Daig pa nila sa flash dahil sa sobrang bilis nila kung kumilos. Hinahabol ko pa ang hininga ko dahil sa pagkakasakal sa akin ng lalaki kanina gamit lang ang isa niyang kamay. Sino ba siya at bakit niya ako sinaktan? Pati ang pananalita niya kanina ay kakaiba! Naglalaban ba silang dalawa ngayon? Hindi ako sigurado kung dahil ba nanlalabo ang paningin ko ngayon o sadyang hindi ko na talaga makita ng ayos ang bawat kilos nila.
Napatakip ako sa sarili ko dahil may mga naba
