“Reign, may gusto sana akong sabihin sa ‘yo.”
Nilingon ko naman si Brickell nang sabihin niya ‘yon sa akin. Narito ako ngayon sa kwarto niya at nagpapahinga. Kahit ilang araw ko nang kasama sina Mama at Papa rito sa palasyo, pakiramdam ko ay pagod na pagod pa rin ako dahil sa nangyari sa amin noong nakaraan sa dimensyon. Pinagpapahinga ko rin sila ng ayos at pinapakain nang mabuti. Lalo na at kailangan nilang magbawi para maging maayos na muli ang pangangatawan nila. Samantalang ang ama naman ni Brickell ay nagpapahinga rin. Sa ngayon ay si Devillina pa lang ang bampira na nakakaalam na buhay pa ang ama ni Brickell. Sinabihan siya ni Brickell na huwag sabihin sa kahit na kanino, nang sa gano’n ay hindi malaman ng mga kalaban. Miski kay Zarod ay ayaw ipasabi ni Brickell. Sa oras na hindi
