“How are you?” tanong ni Kai kay Amber.
Dinalaw niya ito sa shop ng tumawag ito sa kanya at sinabing nakauwi na ito.
“Ayos naman ako,” sagot niya. “Ikaw nga ‘tong dapat na kinukumusta ko kasi ikaw itong umalis.”
“Everything is fine,” nakangiti nitong sagot.
Umuwi kasi ito sa States dahil pinatawag ito ng mga magulang nito. Hindi naman nasabi sa kanya ni Kai kung bakit.
Hindi na din siya nagtanong, baka masabi pa nito na masyado siyang matanong at pakialamira.
“Kumusta na pala sa mansyon? Pasensya na kung hindi na ako nakakadalaw doon. Medyo naging busy ako sa shop,” sabi nito.
“Ayos lang. Naiintindihan ko naman. Isa pa, hindi mo naman pwedeng pabayaan ang negosyo mo para lang dalawin ako sa mansyon.”
Napangiti ito sa sinabi niya. Naiintindihan naman talaga niya na busy ito, lalo n
