Binigay ni David ang isang baso ng tubig kay Anastasia na tulalang nakaupo sa sala. Agad silang umuwi ng manggaling sila sa bahay ng mga Salvador. Alam kasi niyang maraming gustong itanong sa kanya si Anastasia, lalo na tungkol sa sinabi niya doon.
"Are you okay?" may bahid ng pag-aalalang tanong niya saka tumabi dito.
"Paano mo nalaman na may sakit si Sofie? Kailan pa?"
"Nang malaman ko ang nangyari noon ay pinaimbestigan ko agad at doon ko natuklasan na ilang doctor na pala ang pinuntahan ni Sofie."
Napaiyak si Anastasia, hinaplos naman ni David ang kanyang likod. Pinapatahan siya.
"Hindi ko alam na may nararamdaman na pa lang gano'n ang kapatid ko. Hindi ko man lang napansin."
"Hush, now." Niyakap siya nito. "Hindi mo naman kasalanan na nagkagano'n siya. Pinili niyang itago ang sa
