Nang makasakay si Elyes sa kanyang Mustang, malapad ang ngiti ng mga magulang niya. At nung nakaalis na siya, tumatalon-talon pa ang mga ito sa sobrang saya. Sino ba naman ang hindi sasaya? Sa wakas, ang lupa na kinatatayuan ng restaurant nila ay mapupunta na sa kanila kapag nabayaran na nila ang five million, at installment pa. Iniwan niyang nagsasaya ang mga magulang niya sa sala habang nagtungo siya sa kuwarto para magpahinga. Nag-half bath siya at inayos ang higaan niya.
Nasa harap siya ng salamin, sinusuklay ang buhok, nang marinig niyang parang may bumabato sa sliding window ng kuwarto niya. Napakunot ang noo niya at lumapit sa bintana. Binuksan niya ito para alamin kung saan nanggagaling ang ingay.
Pagbaba ng tingin niya, napanganga siya.
"Elyes?"
Kaway ni Elyes bago siya mabil
