NAKASANAYAN ni Yarra na nakikita niyang laging walang pang-itaas si Ex sa halos lahat ng sulok ng bahay. Mas madalas ay sa kusina habang nagluluto ito, apron lang ang takip sa hubad nitong itaas. Sa bakuran habang naglilinis ito ng kotse, tanging boxers lang ang suot nito. Sa rooftop bago sumikat ang araw habang naglalaro gamit ang mga patalim, at sa gabi sa kama nito, wala itong suot na kahit ano sa ilalim ng kumot—ang huli ang hindi niya kayang makita kaya kumakatok siya bago siya pumapasok sa silid nito. Ginagawa niya iyon tuwing nakakalimutan nitong umakyat para i-kiss ng goodnight si Elle. Hindi man niya gustong aminin sa sarili niya ay gusto rin niyang si Ex ang huli niyang makita bago matulog.
Isa ang gabing iyon sa mga gabing hindi nagpunta si Ex sa kuwarto nila para m
