NAKATULOG si Elle sa biyahe. Naging madali para kay Yarra na umidlip rin. Ni hindi nga niya namalayan na nakatulog siya kung hindi lang niya naramdaman ang magaang haplos sa kanyang buhok. Pagmulat niya, dark na mga mata ni Ex ang namulatan niyang nakatunghay sa kanya.
“E-Ex?”
Ngumiti ang lalaki. “Nasa bahay na tayo. Akin na si Elle,” maingat na kinuha nito sa mga braso niya ang mahimbing na si Elle. Disoriented na kumilos si Yarra at luminga-linga. Nasa bakuran na nga sila ng bahay ni Lolo Dolf. Mabilis siyang lumabas ng kotse, kinuha mula sa backseat ang mga gamit nila ni Elle at nagmamadaling sumunod kay Ex.
Inabutan niyang inaayos na nito sa kama si Elle. Nilagyan nito ng dalawang unan sa magkabilang side ang baby bago tinanggalan ng sapatos. Binu
