MAG-ISA na lang si Yarra sa kama nang magising kinabukasan. Sa ibang pagkakataon ay nag-panic na naman siya na wala sina Ex at Elle. Pero hindi na nang umagang iyon na pabalik-balik sa kanyang isip ang eksena nang nagdaang gabi.
Napangiti siya. Hindi man niya gusto ay madaling nakuha ni Ex ang tiwala niya. Hindi alam ni Yarra kung bakit ganoon kagaan ang loob niya rito. Panatag rin siyang kasama ito sa silid—sobrang panatag na nahimbing pa ang tulog niya. Ni hindi nga niya namalayan na bumangon na ito kasama ang baby niya.
Nasaan kaya ang dalawa?
Sinuklay ni Yarra ang buhok gamit ang mga daliri. Palabas na siya ng silid. Wala siyang narinig na ingay sa direksiyon ng kusina, baka nasa labas ang dalawa at nagpapaaraw. Handa na siyang lumabas nang marin
