DISTRACTED na si Ex. Nasa trabaho siya pero wala roon ang isip niya—nasa unit kung saan naroon ang dalawang babaeng dahilan ng mga ngiti niya ngayon. Kahapon pa niya iniisip kung ano ang ginawa niya o hindi nagawa para magbago ang pakikitungo sa kanya ni Yarra. Ramdam niyang may nag-iba kahit hindi ito magsalita.
Noong unang weekend na umuwi siya ay hindi niya ito nakausap. Tulog si Yarra nang inabutan niya. Ayon kay Lulu ay masama raw ang pakiramdam. Maaga siyang umalis kinabukasan dahil sa lakad ng kliyenteng binabantayan niya—si Donya Anna ng DAV and Sons, o Lola Anna Venavidez na punong-puno ng kalokohan para sa mga apo nito. Pati silang mga bodyguards at drivers nito ay ginagamit ng matanda.
Unang araw pa lang niya sa trabaho ay artista na agad siya—isinalang
