BAGONG estudyante si Carlito sa kanilang eskwelahan at kaklase ito ni Ipang. Si Carlito ang unang lumapit kay Ipang kaya naman naging magkaibigan sila. Lingid sa kaalaman nila ay may pagtangi pala si Divina kay Carlito. Nakita kasi ito ng kapatid niya nang minsang dumaan si Carlito sa bahay nila.
Hanggang sa dumating ang araw na manligaw na sa kaniya si Carlito. Halos gabi-gabi itong nasa kanilang bahay upang bisitahin siya. Naramdaman naman ni Ipang na dalisay ang hangarin ni Carlito kaya makalipas ang dalawang buwan nitong panliligaw ay sinagot na niya ito. At ganoon na lang ang galit ni Divina nang malaman nito ang bagay na iyon…
“Bakit mo sinagot si Carlito?!” Nagulat si Ipang nang may sumaklit sa kaniyang braso nang papasok na siya sa bahay.
Si Divina pala iyon. Nanlalaki ang mata
