Napailing na lamang ako sa sarili habang nakahalukipkip sa harap ni Francine. Binabawi ko na ang sinabi ko kanina na hindi siya katulad ni Rivas na nang-iiwan na lamang ng babae.
Ang lalaking 'to parang batang nakikipagsayawan na sa iba. Lumilingon minsan si Francine sa naggagandahang mga babae tapos binabalik din sa akin ang tingin habang may malaking ngiti. Mukhang sayang saya siya na pinapansin siya ng mga babae kahit may kaharap siya ngayon.
Marami na ring nainom si Francine. Hindi ko naman makuha sa kaniya ang bote dahil tinataas niya ito kapag inaabot ko ang bote. Halatang halata na kasing lasing siya. Pagewang gewang na rin ang kaniyang sayaw ngunit nakatatayo pa naman nang maayos. Nakakausap ko pa rin nang mabuti kaya lang ang mata niya lumalampas sa akin minsan, tinitingnan an
