"No. She can't go with strangers," matigas na english at may pagbabantang sabi ng lalaking nasa likod ko.
Natulos naman ako sa kinatatayuan. Mas naging blanko pa ang aking isip nang makilala ang may-ari ng boses na iyon. Hawak ang laylayan ng aking dress, kinuyom ko ang aking kamay. May nararamdaman akong kakaiba sa aking tiyan. Nawala nang parang bula ang galit ko kanina. Nawala na rin ang kaba at takot na nararamdaman ko noong mag-isa akong nakatayo rito.
"Ow, that's sad," ani ng isang foreigner.
Naiiling na nagpatuloy sa paglalakad ang dalawa. Pagewang-gewang silang lumapit sa amin. Pupunta yata sila sa party kahit lasing na lasing na. Napahawak ako sa damit ni Rivas habang pinagmamasdan ang dalawa. Dadaan sila sa may gilid ko.
Ramdam ang pagbaba ng kamay ni Rivas. Mula sa baling
