Nanlulumo akong napasuklay sa aking sarili. Pilit inaalala ng aking utak ang mga nangyari noong isang gabi ngunit wala talagang pumapasok sa aking utak. Sumayaw lang naman ako sa dance floor pero bakit nagkaroon na ako ng hickey?! May naligaw bang labi sa aking leeg at bigla na lang akong sinipsip?!
Malakas akong napabuntong-hininga habang ang dalawang siko ay nasa lamesa. Gamit ang dalawang braso, ipinatong ko rito ang aking noo. Lalo lamang sumasakit ang aking ulo dahil sa pag-iisip. Naging bakal na yata ang utak ko sa sobrang bigat.
"Ilang gallon ba ang nainom mo kagabi at sobrang lasing ka, Ma'am Hope?"
Nakangusong inangat ko ang aking ulo kay Manang Betta. Nagluluto ito ngayon ng lugaw para sa akin. Nakalagay ang isang kamay sa baywang habang ang isa ay naghahalo. Nakatingin siy
