KINUHA ni Beatrice ang cellphone nang tumunog ang ringtone niyon. At nang makita na si Paula ang tumatawag ay sinagot niya iyon. Kanina pa kasi niya hinihintay ang tawag nito.
"Hello?"
"Beatrice," wika naman ni Paula sa pangalan niya mula sa kabilang linya. "Nandito na ako sa labas ng apartment mo," imporma nito.
Nang marinig niya iyon ay tumayo siya mula sa pagkakaupo niya sa sofa. "Sige. Lalabas na ako," sagot naman niya dito.
Ibinaba na nga din niya ang tawag. Pagkatapos niyon ay dinampot niya ang bag na nakalapag sa ibabaw ng sofa at saka na siya humakbang palabas ng apartment niya. Pagkalabas nga ay agad niyang nakita ang kotse ng kaibigan.
Humakbang naman siya palapit dito. Binuksan niya ang pinto sa front seat at saka na siya pumasok sa loob.
"Hi!" nakangiting bati ni Be
