TUMINGIN si Beatrice sa labas ng bintana nang ihinto ni Brandon ang minamaneho nitong kotse.
At bahagyang kumunot ang noo ni Beatrice nang sa halip na restaurant ang nakita niya ay isang mamahaling boutique shop iyon.
Inalis naman niya ang tingin sa bintana at inilipat niya iyon kay Brandon.
"Anong ginagawa natin dito, Brandon?" tanong niya dito.
Lumingin naman ito sa kanya. “We’re looking for suits and gowns,” sagot naman nito sa kanya. Hindi na nga din siya hinintay ni Brandon na magsalita dahil binuksan na nito ang pinto sa gawi nito at bumaba na ito.
Nasundan na lang naman niya ito ng tingin ng humakbang ito patungo sa gawi niya para pagbuksan niya ito ng pinto. Nasanay na din kasi si Beatrice na pinagbubuksan siya ni Brandon ng pinto kapag nagyaya itong lumabas.
"Thank you
